MOTOR RACING: Norris, nanawagan ng pagbabago sa Madrid circuit at VSC rules

Kailangang baguhin ang pinakabagong circuit ng Formula One, gayundin ang patakaran sa virtual safety car (VSC), ayon sa world champion na si Lando Norris matapos mawala sa kanya ang panalo sa Spanish Grand Prix na dapat sana ay kanya na.

Hindi naman nangyari ang kinatatakutang malalaking aksidente at red flag sa pinakamataas na antas ng karera, ngunit nauwi sa halos walang aksyong karera ang unang F1 race sa Madring circuit sa kabisera, na ayon sa ilang driver ay muntik nang makatulog sila sa inip.

“Dapat alisin na nila ang (turns) 18 at 19. Walang silbi (They should get rid of (turns) 18, 19. Useless),” sabi ni Norris, na nagtapos sa ikatlong puwesto.

“Dagdagan na lang ang tuwid na bahagi papunta sa hairpin (Just have more of a straight into a hairpin).

“Hindi ko alam kung paano tinitingnan ng isang tao ang disenyong ito at sinasabing, Ayos na ayos’ (I don’t know how someone looks at this design and goes, 'Mint').”

“Nasasabik akong bumalik dito sa susunod na taon kung magagawa nila ang mga pagbabagong ito dahil sa tingin ko, masayang-masaya itong daanan at maaari itong maging isang mahusay na racetrack. Para sa akin, hindi ito isang mahusay na racetrack (I’m excited to come back here next year if they can make these changes because I think it’s a track that is good fun to drive and it can be a great racetrack. To me, it’s not a great racetrack).”

VSC, sentro ng usapin

Dahil kakaunti ang pagkakataon para sa pag-overtake, nakaapekto rin sa naging resulta ng karera ang maagang paggamit ng VSC.

Ang timing nito, matapos kailangang ilipat ang humintong Aston Martin ni Lance Stroll, ay nagbigay-daan sa lahat ng nasa likod ni Norris na mag-pit stop at makatipid ng oras, ngunit naging dehado si Norris dahil napakalayo na niya sa mga kasunod na sasakyan.

Nang magkaroon siya ng pagkakataong mag-pit stop, tapos na ang VSC at hindi na niya nabawi ang pangunguna dahil sa disenyo ng circuit.

Sinabi ni Norris na malamang na ito ang unang pagkakataon na nawala sa kanya ang panalo dahil sa VSC, na nagpapanatili sa lahat ng sasakyan sa isang takdang bilis sa maikling panahon, habang ang aktuwal na safety car ay tumatagal ng ilang lap.

Ang pit stop habang naka-VSC ay nakatitipid ng humigit-kumulang 11 segundo sa race time kumpara sa regular na pit stop.

“Literal na wala akong magagawa bilang driver ngayon para mas maging maayos ang ginawa ko. Nakuha ko ang pole, pinangunahan ko ang karera, at mawala ito dahil sa isang bagay na wala sa kontrol ko, sa tingin ko, hindi ganoon dapat napapanalunan o natatalo ang isang karera (There’s literally nothing I could do as a driver today to do a better job. Pole, led the race, and to lose it for nothing in my control is, I don’t think, how a race should be won),” sinabi niya sa mga reporter.

“Sa tingin ko, may mga bagay na maaaring gawin dahil ilang beses na natin itong napag-usapan noon, kung paano man lang ito maaaring saklawin sa loob ng isang lap o mabigyan ng pagkakataon ang lahat na mag-pit stop, o harangan na lang ang pasukan sa pit at walang makakapasok maliban kung may nabutas na gulong o kung ano man (I think there are things (that can be done), because we have spoken about it in the past several times, about how it can be at least covered for one lap or everyone has the opportunity to do the pit stops, or you just block the pit entry and no one can box apart from if you have a puncture or something),” dagdag niya.

“Sa tingin ko, may ilang bagay na maaari mong gawin para maging mas simple at mas patas ito para sa lahat, pero mas malaking usapin na iyon (I think there’s a few things you could do to make it more simple and more fair for everyone, but that’s a bigger discussion).”

Inaasahan naman ng four-time world champion ng Red Bull na si Max Verstappen, na nagtapos sa ikalawang puwesto sa likod ng championship leader ng Mercedes na si Kimi Antonelli, na pag-uusapan ang usapin sa susunod na briefing.

Sinabi ni McLaren boss Andrea Stella na magiging mahaba ang proseso ng anumang pagbabago, “maliban na lang kung magkakaroon ng malaking pag-uudyok mula sa mga institusyon, FIA o F1, para sabihin na ‘kailangan nating baguhin ito’ (unless there's a big push from the institutions, FIA or F1, to say 'we need to make this different’).”

Kinikilala ni Norris ang mga posibleng komplikasyon, gaya ng sitwasyon kung kailangang lumipat ang mga driver mula slick tires patungo sa wet tires, ngunit sinabi niyang kailangan pa rin itong tugunan.

“Sa tingin ko, iisa ang gusto ng lahat at iyon ay pagiging patas para sa lahat (I think everyone wants the same thing and that’s just fairness for everyone),” sabi niya. “Kailangan kong tanggapin ito, pero sana ay hindi na ito mangyari sa iba dahil hindi ganoon dapat matalo ang isang karera (I have to take it on the chin, but I just hope it doesn’t happen to anyone again because it’s just not how you should lose a race).”