Dito binibigyang liwanang ang bawat kuweto

Ang aming istorya

Ang Sari Story News ay isang malayang organisasyon ng pamamahayag na pinamumunuan ng kabataan. Para ito sa bagong henerasyong mapanuri, mapagtanong, at handang maghatid ng pagbabago. Isinasalaysay namin ang mga kuwentong may saysay. Lantad, tunay, at walang filter. Sinusundan namin ang pulso ng kultura, politika, at mga hamon sa araw araw mula sa pananaw at karanasan ng kabataan. Itinataguyod namin ang matapang na pamamahayag, malikhaing pagkukuwento, at mga tinig na madalas hindi nabibigyang puwang. Pinakikilos ng masusing pagtatanong at ginagabayan ng katotohanan, naghahatid ang Sari Story News ng balitang matalas, napapanahon, at nakaugat sa mundong tunay na ginagalawan ng kabataan.

Hindi kami narito upang ulitin ang lumang salaysay

Narito kami upang hubugin ang susunod na kabanata.

MISYON

Isang kislap ng katotohanan para sa henerasyong kumikilos

Bawat henerasyon ay nangangailangan ng isang kislap, isang puwersang nagtutulak ditong magtanong, mangarap, at manindigan. Naniniwala kami na ang kislap na ito ay nagmumula sa mga kuwentong isinasalaysay nang may tapang at katapatan. Mga kuwentong hindi umiiwas sa mahihirap na katotohanan. Mga kuwentong humahamon sa nakasanayan at nagbibigay puwang sa mga tinig na matagal nang hindi napapansin.

Ito ang dahilan kung bakit kami narito: upang palakasin ang kabataan sa pamamagitan ng matapang, malaya, at makabuluhang pamamahayag. Pamamahayag na hindi naghihintay na kusang lumitaw ang katotohanan, kundi masigasig na hinahanap ito. Pamamahayag na naglalantad ng mga bagong pananaw sa halip na ulitin ang pamilyar. Pamamahayag na nagbubukas ng makabuluhang talakayan upang hindi manaig ang katahimikan.

Lumilikha kami ng isang espasyong pinahahalagahan ang pagiging mausisa, kinikilala ang pagiging masalimuot ng mga usapin, at itinuturing ang kabataan bilang katuwang sa paghubog ng salaysay. Dito, hindi lamang pinakikinggan ang kanilang mga tinig. Binibigyan din sila ng lakas at pagkakataong magsalita, magtanong, at makilahok sa paglikha ng pagbabago.

Sa pamamagitan ng pamamahayag na matalas, matapang, at hitik sa posibilidad, layunin naming humubog ng isang henerasyong may kaalaman, may kamalayan, at aktibong nakikilahok. Isang henerasyong handang kuwestiyunin ang mundo at may tapang at kakayahang baguhin ito.