Shaira Diaz, nagpaalam na sa ‘iBilib’

Tuluyan nang nagpaalam si Shaira Diaz sa edutainment program na "iBilib" matapos ang anim na taong pagiging co-host nito.

Ibinahagi ni Shaira sa Instagram nitong Huwebes, Nobyembre 5, ang ilang larawan kasama ang production staff at mga co-host niyang sina Chris Tiu at ang comedy duo na Moymoy Palaboy, na binubuo nina James at Roadfill Macasero.

“Not every goodbye is easy, especially when it means letting go of something that has been part of your life for years. But as this chapter comes to an end, I choose to look back with nothing but gratitude,” saad niya sa kaniyang mahabang post.

Nagbigay rin ng mensahe ang aktres-host para kay Tiu, na pinasalamatan niya sa kanilang pagkakaibigan at sa magagandang alaalang pinagsaluhan nila sa loob ng maraming taon.

“Chris, where do I even begin? Thank you for sharing your talent, wisdom, and so many beautiful memories with me over the years. More than just a co-host, you’ve become a dear friend– someone I can laugh with, learn from, and always be myself around.

"You are truly one of the most down-to-earth people I’ve ever known. Despite everything you’ve accomplished, you remain so humble, kind, generous, and compassionate. I couldn’t have asked for a better co-host and friend. So grateful to have shared these past six years with you. Love you, Chris! THANK YOU.”

Nagpahayag din ng pasasalamat si Shaira, 31, sa direktor ng programa na si Rico Gutierrez, sa buong production team, at sa mga manonood na patuloy na sumuporta sa kanila.

“To Direk Rico and the entire iBilib family, thank you for making every taping feel less like work and more like spending time with family. Mamimiss ko kayo. Love you guys! Solid kayo. And to all the iBilibers who welcomed us into their homes every week, thank you for being part of my journey!

“As I say goodbye to this wonderful show, I’ll always be cheering for the entire #iBilib family. Wishing the show continued success and more power!

"Thank you for six years of learning, laughter, and unforgettable memories. What a beautiful experience it has been, iBilib! You’ll always have a special place in my heart. Ate Shaira, signing off.”

Samantala, nagbahagi rin si Tiu ng mensahe para kay Shaira. Binalikan niya kung paano nagsimula sa isang guest appearance ang paglahok ng aktres sa programa hanggang sa maging regular co-host na ito.

“Nakakiyak naman...What started as a guesting, turned out to become a regular show for you. And what a blessing it was, not just for you but for me and the entire iBilib family!

"Your genuine curiosity and interest in science was evident. Parati kang engaged sa mga experiments. At the same time, you are such a joy to work with. Ang gaan ng taping pag kasama ka. Walang ka attitude attitude ... kahit superstar ka na!

"Maraming Salamat sa pag mahal sa show at sa lahat ng sakripisyo mo! I don't know how you do it, but from taping ng Unang Hirit tapos diretso Ibilib hanggang gabi. Tapos walang reklamo whatsoever. Sana makita ng kabataan Ang iyong work ethic and modesty. Thank you for being a wonderful friend. See you around!!”

Nagpasalamat din si Shaira kay Chris at ipinahayag kung gaano niya mami-miss ang kanilang pagsasama sa programa.

Unang umere ang "iBilib" noong 2012. Tampok sa programa ang iba't ibang siyentipikong eksperimento at pagpapaliwanag sa mga konsepto at teoryang pang-agham na may kaugnayan sa mga pang-araw-araw na pangyayari at trivia.

Hango ang format ng programa sa Japanese science entertainment show na "Wonders of Horus."

Bagama't hindi na mapapanood si Shaira sa iBilib, mapapanood pa rin siya tuwing umaga bilang isa sa mga host ng “Unang Hirit.”

Samantala, kasalukuyan nang palabas sa mga sinehan ang family drama film na “Buddy,” na pinagbibidahan ni Shaira. Kabilang din sa cast ang kaniyang asawang si EA Guzman, gayundin sina Michael De Mesa, Benjie Paras, Elijah Canlas, at iba pa.