Plenary Sessions at Budget Hearings, pagsasabayin na ng Senado

Inaprubahan at pinapayagan na ng Senado na sumabay sa plenary sessions ang mga pagdinig at pulong ng Senate Committee on Finance para sa 2027 national budget.

Inaprubahan ng mataas na kapulungan ang mosyon ni Senate Majority Leader Migz Zubiri na suspindihin ng Senado ang kanilang rule 14, section 40 ng rules of the Senate na nagbabawal sa pagsabay sa kanilang sesyon ng anumang committee hearings at meetings.

"With the consent of the body, I move for the suspension of Rule 14, Section 40 of the Rules of the Senate, in so far as it prohibits committee meetings and hearings while Senate is in session for the sole purpose of allowing the continuation of budget deliberations during the pendency of the sessions", ayon kay Zubiri.

Dahil dito, hindi mamarkahang absent ang mga senador na nasa pagdinig ng budget kapag oras ng sesyon.

"We will mark the chairpersons here for the record that they are in these subcommittees and therefore they are present in today's session. They will not be marked as absent. Para sa ganun ay magdo-double time po tayo", giit pa niya.

Sa kabilang banda, sinabi naman ni Zubiri na mananatiling bawal na sabayan ang impeachment trial ni Vice President Sara Duterte ng anumang pagdinig kahit pa ng budget hearings dahil kinakailangang palaging present dito ang mga senator-judges.

Ngayong buwan ng Setyembre ang impeachment ay isasagawa tuwing umaga habang ilalaan ang mga hapon at ilang araw ng linggo sa budget hearings at legislative work.

Pagsapit naman ng Oktubre na recess o session break, o mula October 1-15 ay magiging maghapon na ang impeachment trial.