Free trade deal, magpapalawak sa kalakalan at oportunidad sa negosyo ng Pilipinas at EU, ayon sa mga eksperto

Ayon sa independent think tank na Stratbase Institute, ang “malaking pag-unlad” sa usapin ng free trade agreement (FTA) sa pagitan ng Pilipinas at European Union (EU) ay makatutulong upang maging mas matatag at matibay ang ekonomiya.

“Bilang isang aktibong tagapagtaguyod ng pakikipag-ugnayan sa mga internasyonal na katuwang na may kaparehong pananaw, itinuturing ng Stratbase Institute ang FTA sa pagitan ng EU at Pilipinas bilang mahalagang bahagi ng mas malawak na estratehiya ng bansa para sa seguridad pang-ekonomiya (As a vocal advocate for aligning with like-minded international partners, Stratbase Institute views the EU-PH FTA as a cornerstone of the country's broader economic security strategy),” pahayag nito sa isang pahayag noong Martes ng gabi.

“Bilang mga bansang may magkakatulad na pananaw, kapwa nakatuon ang Pilipinas at EU sa pagpapalakas ng bukas at nakabatay sa mga tuntunin na kalakalan, gayundin sa pagsusulong ng higit na kooperasyong pang-ekonomiya (As like-minded states, both sides share a commitment to strengthening open, rules-based trade and promoting greater economic cooperation),” dagdag nito.

Sa magkahiwalay na pahayag noong Martes, inanunsyo ng Malacañang at ni European Commission President Ursula von der Leyen ang pagsulong ng negosasyon at ang posibilidad na malagdaan ang FTA sa 2027.

Nanawagan ang Stratbase Institute para sa agarang paglagda at pagpapatupad ng makasaysayang kasunduan upang makapaghatid ito ng pangmatagalang katatagan at paglago para sa mga manggagawang Pilipino, negosyo, at mamimili.

Kapag natapos at niratipikahan, maaaring magbigay ang kasunduan ng mas malawak na access sa merkado ng Europa para sa mga negosyong Pilipino, pati na ng mga pagkakataon para mapalawak ang kalakalan at pamumuhunan.

“Layunin na makumpleto ang paglagda bago matapos ang taon. Ang magiging pinal na FTA ay magbibigay sa mga Pilipinong exporter ng permanenteng preferential access sa merkado ng EU na may halos 450 milyong mamimili, kapalit ng kasalukuyang kaayusan sa ilalim ng EU’s Generalized Scheme of Preferences Plus (GSP+). Dahil dito, magiging ikatlong bansang miyembro lamang ng ASEAN ang Pilipinas—kasunod ng Singapore at Vietnam—na makapagtatapos ng bilateral FTA sa EU (Targeting a final signing before year-end, the final FTA would give Philippine exporters permanent preferential access to the EU market of nearly 450 million consumers, replacing the current arrangement under the EU’s Generalized Scheme of Preferences Plus (GSP+). It would also make the Philippines only the third ASEAN member state, after Singapore and Vietnam, to conclude a bilateral FTA with the EU),” dagdag ng Stratbase Institute.