NBI iniimbestigahan ang pet crematorium matapos madiskubreng itinapon sa Bulacan ang mga labi ng 25 alagang hayop

MANILA — Nagsagawa na ng imbestigasyon ang National Bureau of Investigation (NBI) laban sa Ahjay Paws Aftercare Pet Crematorium at may-ari nitong si Jonathan Legaspi kasunod ng mga alegasyong ilegal na itinapon sa Bulacan ang mga bangkay ng alagang hayop na ipinagkatiwala sa negosyo para sa cremation o pagsusunog ng bangkay.

Nagsimula ang kontrobersiya matapos madiskubre ng mga residente at opisyal ng barangay ang pitong malalaking sako na naglalaman ng mga labi ng hayop sa isang bakanteng lote sa Barangay Minuyan Proper, San Jose del Monte City.

Ayon sa mga saksi, isang puting van ang nakitang nagbaba ng mga sako sa lugar noong madaling-araw ng Huwebes, Oktubre 29. Rumesponde ang pulisya ng San Jose del Monte matapos iulat ng mga residente ang masangsang na amoy na nagmumula sa mga itinapong sako.

Nagbigay ng babala ang animal welfare group na Luna and Furry Siblings matapos matukoy ang mga marka sa mga sako na direktang nag-uugnay sa mga labi ng hayop sa pasilidad na nakabase sa Bacoor, Cavite.

Kinumpirma ng grupo na natukoy na ang pagkakakilanlan ng lahat ng 25 alagang hayop na namatay—22 aso at tatlong pusa—at nakuha na rin ng kani-kanilang mga may-ari ang kanilang mga labi.

Nagdulot ng galit at pagkadismaya sa mga may-ari ng alagang hayop ang pagkakadiskubre, lalo't nagbayad sila para sa mga serbisyo ng cremation at mga urn o lalagyan ng abo ng kanilang mga alaga.

Sa pakikipagharap umano sa mga nagdadalamhating kliyente, itinago ni Legaspi ang kaniyang mukha at tumangging sagutin ang mga tanong kaugnay ng mga alegasyon.

Iniutos naman ni Bacoor City Mayor Strike Revilla ang agarang pagpapasara sa Ahjay Paws Aftercare noong Oktubre 31.

Ayon kay Revilla, sinabi ni Legaspi sa isang pagpupulong na dinadala ng kompanya ang mga hayop sa isang partner facility sa Caloocan upang isagawa ang cremation. Gayunman, walang nakitang matibay na ebidensiya ang mga imbestigador na nagpapatunay na isinagawa ang mga pagsusunog ng bangkay.

Inatasan ni NBI Director Melvin Matibag ang Environmental Crimes Division ng ahensiya, kasama ang mga panrehiyong tanggapan nito sa CALABARZON at Central Luzon, na magsagawa ng imbestigasyon na sasaklaw sa iba't ibang hurisdiksiyon.

Sinusuri na ng mga awtoridad ang posibleng pagsasampa ng mga kaso, kabilang ang estafa, pananagutang sibil, at paglabag sa mga batas hinggil sa pamamahala ng solid waste at sanitasyon.

Hinimok din ng NBI ang mga apektadong may-ari ng alagang hayop na magsumite ng mga resibo, sertipiko ng cremation at iba pang kaugnay na dokumento sa punong tanggapan ng ahensiya upang mapalakas ang kaso.

Samantala, muling nanawagan ang mga tagapagtaguyod ng kapakanan ng mga hayop para sa mas mahigpit na regulasyon at mandatoryong paglilisensiya sa lahat ng nagbibigay ng serbisyo para sa pangangalaga sa mga namatay na alagang hayop at cremation ng mga ito sa buong bansa.

MANILA — Nagsagawa na ng imbestigasyon ang National Bureau of Investigation (NBI) laban sa Ahjay Paws Aftercare Pet Crematorium at may-ari nitong si Jonathan Legaspi kasunod ng mga alegasyong ilegal na itinapon sa Bulacan ang mga bangkay ng alagang hayop na ipinagkatiwala sa negosyo para sa cremation o pagsusunog ng bangkay..

Nagsimula ang kontrobersiya matapos madiskubre ng mga residente at opisyal ng barangay ang pitong malalaking sako na naglalaman ng mga labi ng hayop sa isang bakanteng lote sa Barangay Minuyan Proper, San Jose del Monte City.

Ayon sa mga saksi, isang puting van ang nakitang nagbaba ng mga sako sa lugar noong madaling-araw ng Huwebes, Oktubre 29. Rumesponde ang pulisya ng San Jose del Monte matapos iulat ng mga residente ang masangsang na amoy na nagmumula sa mga itinapong sako.

Nagbigay ng babala ang animal welfare group na Luna and Furry Siblings matapos matukoy ang mga marka sa mga sako na direktang nag-uugnay sa mga labi ng hayop sa pasilidad na nakabase sa Bacoor, Cavite.

Kinumpirma ng grupo na natukoy na ang pagkakakilanlan ng lahat ng 25 alagang hayop na namatay—22 aso at tatlong pusa—at nakuha na rin ng kani-kanilang mga may-ari ang kanilang mga labi.

Nagdulot ng galit at pagkadismaya sa mga may-ari ng alagang hayop ang pagkakadiskubre, lalo't nagbayad sila para sa mga serbisyo ng cremation at mga urn o lalagyan ng abo ng kanilang mga alaga.

Sa pakikipagharap umano sa mga nagdadalamhating kliyente, itinago ni Legaspi ang kaniyang mukha at tumangging sagutin ang mga tanong kaugnay ng mga alegasyon.

Iniutos naman ni Bacoor City Mayor Strike Revilla ang agarang pagpapasara sa Ahjay Paws Aftercare noong Oktubre 31.

Ayon kay Revilla, sinabi ni Legaspi sa isang pagpupulong na dinadala ng kompanya ang mga hayop sa isang partner facility sa Caloocan upang isagawa ang cremation. Gayunman, walang nakitang matibay na ebidensiya ang mga imbestigador na nagpapatunay na isinagawa ang mga pagsusunog ng bangkay.

Inatasan ni NBI Director Melvin Matibag ang Environmental Crimes Division ng ahensiya, kasama ang mga panrehiyong tanggapan nito sa CALABARZON at Central Luzon, na magsagawa ng imbestigasyon na sasaklaw sa iba't ibang hurisdiksiyon.

Sinusuri na ng mga awtoridad ang posibleng pagsasampa ng mga kaso, kabilang ang estafa, pananagutang sibil, at paglabag sa mga batas hinggil sa pamamahala ng solid waste at sanitasyon.

Hinimok din ng NBI ang mga apektadong may-ari ng alagang hayop na magsumite ng mga resibo, sertipiko ng cremation at iba pang kaugnay na dokumento sa punong tanggapan ng ahensiya upang mapalakas ang kaso.

Samantala, muling nanawagan ang mga tagapagtaguyod ng kapakanan ng mga hayop para sa mas mahigpit na regulasyon at mandatoryong paglilisensiya sa lahat ng nagbibigay ng serbisyo para sa pangangalaga sa mga namatay na alagang hayop at cremation ng mga ito sa buong bansa.